Katër të vrarë e 20 të plagosur, tre prej të cilëve në gjendje të rëndë: ky është bilanci paraprak i më të fundit akt terrorist në Turqi.
Shpërthimi ka ndodhur në 10:55 me orën lokale turke, dhe është kryer nga një person që ka hedhur veten në erë me lëndë shpërthyese. Vendi i aktit terrorist është Istiklal Caddesi, rruga më e frekuentuar nga vendasit dhe të huajt në Stamboll, e cila është e tejmbushur vazhdimisht.
Fakti që shpërthimi ka ndodhur në këtë orë të ditës ka bërë që numri i viktimave të mos jetë i madh, për shkak se dyndja e zakonshme në Taksim, e posaçërisht në Istiklal Caddesi, fillon pas mesditës.
Shpërthimi i sotëm terrorist pason atë të 13 marsit në Ankara, ku humbën jetën 35 persona. Ndërsa ky është akti i dytë terrorist në Stamboll pas atij të janarit, në Sulltanahmet.
Konsullata gjermane, që ndodhet jo shumë larg vendit ku ndodhi shpërthimi i sotëm, ndërpreu punën këtë të mërkurë për arsye sigurie.
Ndërsa dy aktet e fundit terroriste në Ankara janë marrë përsipër nga TAK-u, një degë e PKK-së kurde, ende nuk ka njoftim se kush mund ta ketë kryer sulmin e kësaj të shtune. /tesheshi.com/
