Paulo Dybala ka pasur ditën e tij sot. Me tripletën ndaj Sasuolos, i siguroi Juventusit fitoren e 4, në po kaq javë të luajtuara në Seria A.
“Zonja e Vjetër” kaloi në avantazh në minutën e 16-të të takimit, pasi Dybala nga rreth 20 metra çoi topin në anën e majtë të portierit vendas.
Në minutën e 49-të, ishte sërisht ai, që me një goditje me mjeshtëri nga një distancë prej 14 metrash realizoi golin e dytë.
Vendasit ngushtuan rezultatin në 1:2 në minutën e 51-të përmes Politanos.
Në minutën 63-të, Dybala nga gjuajtja e lirë rreth 18-19 metra, sërish çoi topin në këndin e majtë, duke thelluar rezultatin në 1:3.
Dybala deri tani ka realizuar tetë herë ose për çdo ndeshje mesatarisht nga dy, duke udhëhequr në listën e golashënuesve.
Juventusi kryeson me 12 pikë, aq sa edhe Interi i vendit të dytë./tesheshi.com/
