Miratimi i ligjit mbi Trepçën dhe më pas irritimi serb, kam bërë që kjo çështje të mbërrijë në Bruksel.
Zëdhënësja e Komisionit Evropian, Maja Koçijançiç, tha se Prishtina dhe Beogradi duhet të pajtohen që çështja e Trepçës të jetë pjesë e bisedimeve në Bruksel.
Por sipas saj, kjo duhet të ndodhë vetëm nëse dakortësohen të dy palët.
“Që një çështje të diskutohet në bisedime, duhet që të dy palët të bien dakord”, tha Kocijançiç.
Më tej, zëdhënësja e KE-së tha se BE e merr në konsideratë faktin që Kuvendi i Kosovës ka miratuar ligjin për Trepçën.
Nga ana tjetër, pala politike serbe ka paralajmëruar se çështjen do e çojë për diskutim deri në Këshillin e Sigurimit të OKB-së.
Miratimi i ligjit që përcakton të ardhmen e minierës së famshme, bëri bashkë si rrallë herë partitë shqiptare në parlamentin e Kosovës. Dhe kjo u përjetuar shumë rëndë nga serbët, që edhe Trepçën e konsiderojnë pronë të tyre. /tesheshi.com/
