Përplasje mes tregtarëve të duhanit dhe inspektorëve të antikontrabandës në Shkodër. Këta të fundit kanë kryer një aksion, për sekuestrimin e mallit të palicensuar, por janë ndeshur në rezistencën e shitësve. Mësohet se konflikti ka përshkallëzuar deri në nxjerrjen e armës së zjarrit, nga njëri prej zyrtarëve, por fatmiresisht pa pasoja. Ngjarja u shënua paraditen e sotme në zonën e njohur si “Tregu i Rusit”. Sherri mes tyre nisi në momentin kur është kërkuar licenca tregtare, për ushtrimin e aktivitetit me mallra akcizë. Kjo situatë zgjati vetëem për disa minuta, ndërsa gjithcka ju rikthye normalitetit, pas largimit të antikontrabandës, me një sasi duhani të sekuestruar.
Reagimi I PD-së
Pak pas publikimit të këtij lajmi, i menjëhershëm erdhi edhe reagimi i Partisë Demokratike. Në një deklaratë për mediat, nënkryetarja e kësaj force politike në Shkodër, Greta Bardeli thotë se e gjithë ngjarja ishte një provokim për qytetarët e metropolit veriorë. “Partia Demokratike i bën thirrje qytetarëve të denoncojnë dhe të bëjnë publik çdo rast të tillë dhe të gjithë si shoqëri të dënojmë me forcë akte të tilla. Qetësia, respekti, dinjiteti qytetar janë të shenjta dhe inpektorët e qeverisë mos të guxojnë të ngrenë dorën dhe armët ndaj grave, burrave. Mos të guxojnë të provokojnë qytetarët e Shkodrës”, përfundoi ajo../tesheshi.com
