Pozicioni i presidentit francez Emmanuel Macron, të cilin ai e shprehu javën e kaluar kur fliste për projektligjin për luftën kundër ideve separatiste, dhe veçanërisht shënjestrimin e Islamit dhe muslimanëve, u kritikua nga shumë intelektualë muslimanë në dhe përfaqësues të organizatave joqeveritare në vend.
Drejtuesi i Këshillit të Drejtësisë dhe Lirisë, aktivisti i të drejtave të njeriut Yasser Louati, Ndihmës President i Këshillit Islamik në Francë (CFCM) Ibrahim Alci dhe Islamologu francez Shakeel Siddiq, komentuan pikëpamjet dhe fjalët e presidentit francez në lidhje me Islamin dhe muslimanët.
Louati beson se fjalimi i Macron mbi çështjen e identitetit është një humbje dhe dështim i plotë.
“Macron ngriti një çështje si ‘luftimi i ideve separatiste’ për të mbuluar dështimet në politikën e jashtme dhe të brendshme, luftën kundër infektimeve COVID dhe ekonomisë”, tha Louati, i cili shtoi se Macron kishte krijuar një axhendë artificiale përpara zgjedhjeve.
Ai shtoi se presidenti francez përdori termin “separatist” për të ndezur siguresën e një problemi jo-ekzistent dhe se asnjë organizatë, grup apo popull në Francë nuk ka ndonjë pretendim për separatizëm.
Ai kujtoi se termi “separatist” ka origjinën nga periudha e kolonializmit francez.
“Kjo do të thotë që ne do të integrojmë njerëzit që refuzojnë integrimin me ndërhyrjen tonë. Macron shënjestroi të gjithë arabët, afrikanët, aziatikët që jetojnë në vend”, tha Louati.
Ai beson se disa njerëz të shquar francezë nuk e pranojnë integrimin e turqve, arabëve dhe afrikanëve në shoqëri, se ata kanë të drejta të ngjashme me ta dhe se ata janë francezë. Ai gjithashtu shprehet se një fjalim i tillë, i cili erdhi pas protestës kundër racizmit në Francë, është vetëm një përpjekje për të fshehur racizmin që ekziston në vend.
Ai kujtoi se të djathtët ekstremë në Francë kishin kryer një numër krimesh kundër të huajve dhe se ata ishin të armatosur.
“Macron nuk ktheu kokën pas. Duke injoruar të djathtën ekstreme si një kërcënim real, ai vendosi një rrezik që shpreh paranojën e tij, i cili nuk ekziston, dhe mori muslimanët si shënjestër të tij. Kjo do të krijojë një bazë për të djathtët ekstremë për agresion dhe sulme më të mëdha”, argumentoi Louati.
Louati kujtoi se në rastin priftërinjve kur bëhet fjalë për abuzime në kishë, askush nuk i atribuohet krishterimit dhe as ata nuk e konsideruan tiraninë e Izraelit mbi palestinezët si një problem të Judaizmit.
Ai deklaroi se muslimanët duan të trajtohen si qytetarë të barabartë në Francë dhe se ata duan të jetojnë pa u ekspozuar ndaj dhunës policore dhe racizmit.
“Por kur ta kërkojmë atë, ne do të akuzohemi për separatizëm,” tha Louati.
Yasser Louati shprehet se shteti francez, i cili është sekular, nuk ndërhyn në punët e shoqatave protestante ose katolike, as të federatave hebraike.
“Macron tha se ai do të rrisë presionin mbi shoqatat dhe organizatat islame. Ai nuk i lejon muslimanët të zgjidhin çështjet e tyre këtu dhe të shprehen”, tha Louati.
Ai shtoi gjithsesi se bashkësia islame në vend duhet të bëjë përpjekje për të pjekur disa hoxhallarë.
“Problemi më i madh i hoxhallarëve që vijnë nga jashtë, edhe nëse janë shumë të ditur, është se ata nuk e njohin Francën”, tha Louati, duke shtuar se shteti francez po përpiqet t’u diktojë muslimanëve punën e disa shoqatave, organizatave dhe federatave, gjë që është e papranueshme.
Ndërsa Ndihmës Presidenti i CFCM, Ibrahim Alci tha se përfaqësuesit e të gjitha feve u takuan me presidentin dhe kryeministrin në 30 shtator.
“Ne i thamë Macron se fjala ‘separatist’ nuk është pozitive. Ne thamë: ‘Ne duhet të punojmë së bashku si vëllezër’. Fetë e kundërshtojnë racizmin dhe terrorizmin’,” tha Alci.
Ai shtoi se komuniteti turk në Francë përgjithësisht nuk përballet me problemin e ekstremizmit.
Ai deklaroi se administrata franceze në një kohë getonte njerëz
Alci tha se kur bëhet fjalë për mungesën e hoxhallarëve nga jashtë, ai do të punojë në edukimin e hoxhallarëve që dinë frëngjisht dhe turqisht. Ai shtoi se do të merrte draftin e “luftës kundër ideve separatist” më 15 tetor dhe se ai do ta analizonte atë, dhe pastaj brenda katër javësh do të përpiqej të bënte atë që është më e mira e mundshme për muslimanët në Francë.
Duke kujtuar se Parisi u kishte thënë atyre se nuk do të kishte çështje të “fesë” në projektligjin në fjalë, Alci tha se “në fjalimin e tij duke komentuar Islamin, se Macron kundërshtoi veten dhe sekularizmin”.
Ai gjithashtu beson se ata që kryejnë sulme terroriste nuk duhet të kategorizohen si “muslimanë”, por si “terroristë”.
Më tej, islamologu me origjinë nga Pakistani, Siddiq, komentoi fjalët e presidentit francez.
“Myslimanët në Francë janë në shënjestër e Macron sot, pasi ata nuk mendojnë si ai,” tha Siddiq.
Ai beson se kjo është përpjekja e Macron për të krijuar një axhendë artificiale në mënyrë që të fshehë dështimin dhe të mashtrojë francezët që dolën në rrugë për shkak të problemeve ekonomike dhe krizës së shkaktuar nga pandemia.
Ai gjithashtu beson se e vetmja anë pozitive e fjalimit të Macron janë komentet që muslimanët duhet ta njohin plotësisht Islamin. Siddiq gjithashtu këshilloi komunitetin musliman të përqëndrohet në elementet në Islam që bashkohen dhe ndriçojnë, në vend se të merren me çështje të diskutueshme.
Siddiq tha se Macron filloi një diskurs që nuk i shkonte për shtat një presidenti të një shteti dhe se ai e harroi detyrën e tij dhe mori rolin e sociologut dhe njeriut fetar.
Ai beson se Macron po përpiqet të manipulojë dhe të ndajë Islamin nga thelbi i tij.
“Asnjë ekspert, intelektual apo akademik në Francë nuk e mbështet atë. Sepse të gjithë janë të vetëdijshëm se hapa të tillë në të vërtetë do të krijojnë pasoja”, tha Siddiq.
Kujtojmë se Macron i tha një konference shtypi në 2 tetor se ai do të paraqiste projektligjin mbi luftën kundër “ideve separatiste islamike” në Këshillin e Ministrave në 9 Dhjetor.
“Islami në të gjitha pjesët e botës është në krizë”, tha Macron. /tesheshi.com/
