A keni imagjinuar ndonjëherë se riciklimi i mbeturinave mund të jetë kaq inovativ?
Një organizatë joqeveritare e Kamerunit ka gjetur një mënyrë për të ricikluar mbeturinat e shisheve plastike, duke ndërtuar anije. Po, pikërisht anije, dhe kjo organizatë jo vetëm që ai po ruan mjedisin, por edhe po u ndihmon peshkatarëve të komunitetit që në mënyrë sa më të lirë të sigurojnë kafshatën e gojës.
Madiba dhe Nature, e definojnë veten si një organizatë joqeveritare e studentëve studiues të Kamerunit, që punojnë në promovimin e ekonomisë cirkulare, me qëllim që të sigurojnë ruajtjen e natyrës dhe biodiversitetin e saj.
Ajo është ide e Essome Ismael, një kamerunas i ri, vizioni i të cilit është të zvogëlojë mbeturinat plastike në mjediset ujore, detare dhe urbane në Kamerun, që do të mundësonte përshtatje më të mirë ndaj ndryshimeve klimatike në kontinent.
Sipas Govamedia-s, kjo OJQ edukon njerëzit për ruajtjen e mjedisit dhe dëshiron të ndihmojë në ndryshimin e mentaliteteve dhe zakoneve të këqija në lidhje me menaxhimin e mbetjeve plastike që degradojnë ekosistemet e ndjeshme. /tesheshi.com/
