Shumë klube të mëdha europiane janë në gjendje të shpenzojnë miliona para për të forcuar organikën e tyre, ndërkohë arka e klubit zbrazet kur të përfundojnë kontratat e tyre dhe detyrohen t’i dhurojnë sikurse dhurata për klubet e tjera.
- Lilian Thuram
Mbrojtësi francez ishte nënshkruar nga Juventus për një shumë rekorde, 41,5 milionë euro, ndërkohë përfundoi te Barcelona për vetëm 5 milionë euro. Një humbje vërtetë e madhe për zonjën e vjetër, që tashmë ka mësuar zanatin e të bërit biznes me futbollistët.
- David Vila
Pas paraqitjeve brilante në Kampionatin Botëror të vitit 2010 me përfaqësuesen e Spanjës, Barcelona vendosi ta transferojë sulmuesin e Valencia-s, për 40 milionë euro, ndërkohë e fali për 2 milionë tek Atletico Madrid, disa vite më vonë.
- Ibrahimovic
I cilësuar si njëri ndër transferimet më të mëdha në histori, Ibra ndërroi petkun e Interit për atë të Barcelonë-s. Mirëpo, blaugranasit u detyruan të paguajnë 70 milionë euro për suedezin, ndërkohë vetëm një vit më vonë e rikthyen në qytetin e modës, por kësaj radhe tek Milan për 24 milionë euro.
- Andriy Shevchenko
Ikona e klubit italian Milan u transferua te skuadra londienze, Chelsea për 45 milionë euro dhe njëherësh transferimi më i shtrenjtë i bluve i bërë ndonjëherë. Por, disa vite më vonë ai u rikthye në qytetin e tij të lindjes tek skuadra Dinamo Kiev me parametra zero. Dhuratë se jo mahi!
- Kaka
Një ndër transferimet më të bujshme të skuadrës mbretërore, Real Madrid, ishte braziliani Kaka, që kushtoi hiq më pak se 65 milonë euro. Por gjejeni shumën për të cilën u rikthye tek Milan. 0 euro!/tesheshi.com/
