Driton Kuka, trajneri i xhudos kosovare, ka folur pas dështimit të Majlinda Kelmendit dhe Distrie Krasniqit për të marrë medalje në kampionatin botëror të Budapestit.
Kuka ka shkruar se Kelmendi do të kthehet edhe më e fuqishme, ndërsa ka treguar se ajo ka pësuar dhe një lëndim.
“Majlinda sot fitoj 3 luftra dhe arriti në gjysmëfinale ku humbi përballë japonezes Shishime, por edhe u dëmtua! Shpresoj që të mos jetë diçka serioze, por për medalje të bronztë pësoi humbje! Vendi 5 në Botëror për Kampionen tonë Olimpike, jo siç kam parapa që të fitoj medalje, por sporti e ka kështu do të kthehet Majlinda ashtu siç di ajo edhe më e fuqishme”, ka shkruar ai në Facebook.
Kuka po ashtu ka thënë se edhe xhudistja tjetër Distria Krasniqi do të nxjerrë rezultate më të mira në të ardhmen. Krasniqi doli në vendin e shtatë në këtë kampionat.
“Distria u rendit e 7 që është pozicion i mirë, por Distria ka potencial për më shumë”, ka shtuar ai.
Nesër në Botëror garojnë Nora dhe Akil Gjakova. /tesheshi.com/
