Në Zvicër, vendin e përfeksionit në shumëçka, tre punëtorë humbën jetën pasi një skelë ndërtimi që po përdornin u shemb.
Prilly Malley accident #lausanne pic.twitter.com/4HzgmT0X2H
— hasan ucar (@HasanUcar72) July 12, 2024
Tetë persona të tjerë u plagosën në këtë incident pranë Lozanës, katër prej tyre në gjendje të rëndë, sipas policisë. Flitet se mes të vdekurve dhe të plagosurve ka dhe shtetas shqiptarë, por ende nuk janë bërë identifikimet.
Ngjarja ndodhi në kantierin e një pallati 19-katësh që është pjesë e një kompleksi tregtar. Policia tha se ndërtesa është 60 metra e lartë.
Dëshmitarët i thanë agjencisë zvicerane të lajmeve Keystone-SDA se ashensori i mallrave ra, duke marrë me vete të gjithë skelat në anën veriore të ndërtesës.
Autoritetet fillimisht nuk dhanë detaje në lidhje me përplasjen ose një shkak të mundshëm.
Policia rrethoi vendin e incidentit dhe u angazhuan zjarrfikës dhe kompani të specializuara për të siguruar skelat e mbetura në anët e tjera të ndërtesës. /tesheshi.com/
