Ndër kryelajmet e mediave shqiptare këto ditë ka qenë ajo e një plagosjeje me autor një polic, pas plumbave të shkrehu me armën e shërbimit ndaj njeriut me të cilin e kishte tradhëtuar gruaja.
Erion Goxhara, tashmë është pas hekurave, pasi e nxorri dufin e tij ndaj zyrtarit të ERE-s, Lorenc Kosta, duke i futur pesë plumba në këmbë.
Por interesante deri në absurd është dëshmia e bashkëshortes së policit, e cila, cituar nga mediat, u ka thënë hetuesve se i ka pohuar të shoqit që e ka tradhëtuar vetëm njëherë. Kjo, pasi ai kishte premtuar se do e falte nëse do tregohej e sinqertë.
Çështja është se kjo “një hera” e asaj bashkëshorteje e nënë e dy fëmijëve nuk ka asnjë vlerë në aspektin moral. (I)moraliteti nuk është çështje shifre por principi. Në këtë rast, si njëherë e si dhjetë herë, ajo konsiderohet një vrasëse e jetës bashkëshortore e asaj familjare me aktin e saj imoral, duke shkuar me burrin e botës, edhe ai po aq imoral dhe vrasës i jetës bashkëshortore e familjare sa ajo.
Pra, para se të gjykohet polici për plagosje, një shfrim i shpjegueshëm njerëzor, në gjykim duhej të ishin ata që e çuan deri në atë pikë me lapërdharinë e tyre.
