E etiketuar si “nobelistja e turpit”, udhëheqësja e Mianmarit, Aung San Suu Kyi, ka thyen heshtjen më së fundi lidhur lidhur me tmerret që po ndodhin në vendin e saj, ku pakica muslimane Rohingya po masakrohet llahtarshëm.
Ka ndodhur kjo pas nje telefonate mes saj dhe presidentit Erdogan, njeriut më të angazhuar të momentit në botë, për t’i dhënë fund plojës së përgjakshme që po ndodh në vendin budist. Sipas bisedës së transkiptuar, Suu Kyi është përbetuar se do bëjë gjithçka për ndalimin e dhunës dhe mbrojtjen e të drejtave të tyre.
“Ne e dimë shumë mirë, më shumë se shumica, se çfarë do të thotë të privoheni nga të drejtat e njeriut dhe mbrojtja demokratike. Për këtë arsye, ne sigurohemi që të gjithë njerëzit në vendin tonë të kenë të siguruar mbrojtjen e të drejtave të tyre si dhe të drejtën për mbrojtje, jo vetëm politike por sociale dhe humanitare”, mësohet të jetë shprehur nobelistja.
Por nga ana tjetër ajo ka pretenduar se ka dhe dezinformata që sipas saj janë shpërndarë për të promovuar, siç është shprehur, interesat e terroristëve. Dhe në këtë pikë ka thënë se qeveria e saj po punonte shumë për të siguruar që terrorizmi nuk do të përhapet në të gjithë shtetin Rakhinë.
Por ndërkohë, janë afro 123 mijë refugjatë Rohingya që kanë vërshuar në të gjithë kufirin me Bangladeshin vetëm dy javët e fundit. Ata rrëfyen histori të vdekjeve dhe shkatërrimve nga brendia e krahinës perëndimore të Mianmarit. Imazhet satelitore të lëshuara nga Human Rights Watch tregojnë fshatra të tëra të rrafshuara në tokë.
Dhe duket pra se është e njëjta skemë: sajohet një kauzë anti-terror, për të përligjur masakrat mbi popullsinë civile dhe dëbimin e saj. /tesheshi.com/
