Shtatë familje franceze kanë ngritur padi kundër rrjetit social TikTok. Ata akuzuan platformën për ekspozimin e fëmijëve ndaj përmbajtjeve të dëmshme, pasi dy fëmijë në moshën vetëm 15-vjeçare humbën jetën prej tyre.
Padia pretendon se algoritmi i TikTok ekspozoi shtatë adoleshentë ndaj përmbajtjeve që promovonin vetëvrasje, vetëlëndim dhe çrregullime të të ngrënit, shkruan CNN.
Familjet tani po ndërmarrin veprime të përbashkëta ligjore në gjykatën e Créteil, në rastin e parë të tillë të grupuar së bashku në Evropë.
“Prindërit duan që përgjegjësia ligjore e TikTok të njihet në gjykatë. Kjo është një kompani tregtare që ofron një produkt për konsumatorët që janë të mitur. Prandaj, duhet të jetë përgjegjës për defektet e produktit të saj”, tha një nga avokatët e familjes.
TikTok, ashtu si Meta (Facebook dhe Instagram), po përballet me qindra padi në SHBA. Kompania kineze akuzohet për joshjen dhe varësinë e miliona fëmijëve në platformat e tyre, duke dëmtuar shëndetin e tyre mendor.
TikTok ende nuk ka komentuar për këto raste nga Franca, por më herët kanë thënë se i marrin seriozisht të gjitha çështjet që kanë të bëjnë me shëndetin mendor të fëmijëve. /tesheshi.com/
