Vjen një tjetër rast kur drejtësia shqiptare liron trafikantë të drogës, të cilat më pas kapen nga ajo italiane, si për të vënë nën akuzë togat e zeza këndej Adriatikut.
Bëhet fjalë për rastin e Artur Mahmutajt, i arrestuar së fundi në Itali si i implikuar në trafikun e 75 kilogramëve kokainë. Për më tepër, siç informon TCH, ky ka qenë dhe zëvendësdrejtori i Hekurudhave në Durrës.
Dy vjet më parë, Mahmutaj u arrestua pasi u zbulua një laborator droge në një magazinë në pronë të tij. Por ai u lirua pas një lloj alibie të sajuar, sipas së cilës magazinën e kishte dhënë me qera.
Por siç shkruan Top Channel për rastin në fjalë, si Prokuroria e si Gjykata, nuk kanë marrë fare në konsideratë dëshminë e një shtetasi të kapur afër magazinës, me detyrë nga Mahmutaj për të ushqyer tre qen, i cili ka treguar gjithçka në lidhje me laboratorin e drogës. /tesheshi.com/
