Tire Alldervishi, sanitarja e COVID 2, spitalit “Shefqet Ndroqi”, e cila u denoncua për marrje ryshfeti duke u hequr si infermiere, kërkoi liri nga gjykata, me arsyetimin se mund te ishte e infektuar me koronavirus.
“Unë kam qenë e infektuar me COVID dhe e shtruar në sanatorium, ende s’kam marrë përgjigjen e tamponit të negativizimit dhe nuk e di nëse jam shëruar”, është nga ajo në një kërkesë drejtuar trupit gykues.
Nga ana tjetër, ka pretenduar se filmimet e dala në emisionit investigativ “Stop”, aty ku ajo u shpërfaq me protagonizmin e saj duke kërkuar para nga vajza e një pacienteje me COVID, e cila kishte ndërruar jetë më vonë, janë të paligjshme. /tesheshi.com/
