Tifozeria e Gallatasarajit njihet si ndër më të zjarrtat në Turqi, falë dhe emrit të madh që ka ky klub, prej vitesh ndër më të njohurit dhe në Europë.
Ata njihen dhe si UltraAslan.
Dhe në takimin me Sivasporin, në kuadër të superligës vendase, UltraAslan-ët kanë befasuar me një sllogan kundër racizmit duke huazuar një thënie të Profetit Muhamed, “nuk ka përparësi i ziu ndaj të bardhit, as i bardhi ndaj të ziut…”, i cili më i plotë është: “Gjithë njerëzimi janë nga Ademi dhe Havaja. Vërtet, arabi nuk ka kurrfarë përparësie mbi jo-arabin dhe jo-arabi nuk ka kurrfarë përparësie mbi arabin. Gjithashtu një i bardhë nuk ka përparësi mbi një të zi, as një i zi nuk ka përparësi mbi një të bardhë, përveçse me devotshmëri dhe vepra të mira”. /tesheshi.com/
