Aktivistja e klimës Greta Thunberg tha të premten se samiti i mëparshëm i OKB-së për klimën COP26 në Glasgow kishte dështuar dhe akuzoi liderët se vazhdimisht bënin vrima në rregulla duke justifikuar emetimet në vendet e tyre, raporton AP.
Duke folur në një protestë në kryeqytetin skocez, Thunberg bëri thirrje për rregulla më të rrepta për të luftuar ndotësit në vend të atyre që ajo i quajti “premtime të largëta, jodetyruese”.
“Udhëheqësit botërorë padyshim kanë frikë nga e vërteta, por sado që të përpiqen, nuk mund ta shmangin atë”, tha ajo.
Rritja e temperaturave mesatare
Qëllimi i COP26 është të sigurojë që një numër i mjaftueshëm vendesh të angazhohen për të reduktuar emetimet e gazeve serrë në mënyrë që të kufizojnë rritjen e temperaturave mesatare globale në 1.5 gradë Celsius.
Shkencëtarët thonë se ka gjithnjë e më pak shanse për të arritur këtë qëllim.
Bota tashmë është ngrohur më shumë se 1.1 gradë, dhe parashikimet aktuale të bazuara në reduktimet e planifikuara të emetimeve gjatë dekadës së ardhshme tregojnë se ngrohja globale do të arrijë në 2.7 gradë Celsius deri në vitin 2100. /tesheshi.com/
