Të gjithë garnizonet ushtarake në Gjermani do t’i nënshtrohen kontrolleve pasi në dy prej tyre u gjetën mbishkrime përkujtuese nga koha e nazizmit.
Ministria gjermane e Mbrojtjes thotë se urdhëri ka dalë nga inspektori i përgjithshëm i Forcave të Armatosura të Gjermanisë.
Barrakat e ushtrisë do të kontrollohen për materiale që lidhen me Vermahtin, ushtrisë që i shërbeu Adolf Hitlerit. Kjo lëvizje pason një skandal që ende nuk është mbyllur për përfshirje të ekstremit të djathtë brenda ushtrisë gjermane.
Ministrja gjermane e Mbrojtjes, Ursula von der Leyen anuloi një vizitë në Shtetet e Bashkuara dhe shkoi në garnizonin e Illkirch. Aty janë gjetur shënime përkujtimore për Vermahtin, të shfaqura hapur në dhomën e përbashkët, pavarësisht urdhër-ndalimit të prerë ëpr simbolet naziste.
Një garnizon i dytë, Fuerstenberg në Donaueschingen, në jug-perëndim të Gjermanisë u përfshi në skandal pasi në një kabinet ekspozimi u gjetën helmeta të kohës naziste.
“Spiegel” online raportoi se fotografi të ushtrisë së Vermahtit u gjetën në një mur, së bashku me pistoleta naziste, helmeta të tjera dhe dekorime ushtarake. /tesheshi.com/
