Ndërkohë që bota, aq më shumë Shqipëria, u pushtuan nga lajmi se Papa Françesku ka zgjedhur t’i japë Nënë Terezës dhe statusin e lartë të shenjtores, disa vjet pas lumturimit, vijnë dhe trajtesa si ajo në The Indipendent, ku gruas së famshme, shqiptare në origjinë por indiane në shtetësi, i hidhen hije dyshimi për misionin e saj. Bëhet fjalë për disa akademikë kanadezë kanë hulumtuar deri në detaje 96% të të gjithë literaturës origjinale mbi ikonën katolike dhe kanë dalë në përfundimin se reputacioni i saj si një nga gratë më të shenjta të shekullit të njëzetë ishte thjeshtë produkt i një publiciteti dhe promovimi intensiv.
Siç shkruan gazeta, hulumtuesit kanë vënë në dukje fondet e zhdukura që duhet të ishin për punën humanitare dhe shtëpitë për të varfrit, të cilat nuk ofronin kujdesin mjekësor për të cilin kishin nevojë, duke i lënë të vdesin shumë prej tyre.
Serge Larivée, një studiues nga Universiteti i Montrealit tha: “Duke parë menaxhimin dhe mungesën e dëshirës së Nënë Terezës për të shpenzuar dhe përdorur këto burime, mund të pyesim se ku janë zhdukur miliona dollarët për të varfrit?”
Në raport është cituar edhe Christopher Hitchens, i cili e ka ngritur zëri fuqishëm kundër Nënë Terezës në vitin 2003:
“Nënë Terezë nuk ishte mike e të varfërve. Ajo ishte mike e varfërisë. Ajo thoshte se vuajtja ishte dhuratë nga Zoti. Ajo e kaloi jetën duke kundërshtuar të vetmen kurë kundër varfërisë, e që ishte fuqizimi dhe emancipimi i gruas nga të qenit bagëti vetëm për riprodhim të detyrueshëm,” shkruan ai.
“Ajo ishte mike e të pasurve më të tmerrshëm, duke marrë para të pandershme nga familje të njohura për mizoritë e tyre si familja Duvalier në Haiti (në këmbim ajo e lavdëroi sundimin e kësaj familjeje), si dhe nga Charles Keating i Kursimeve dhe Kredive Linkoln. Ku shkuan këto para bashkë me të gjitha donacionet e tjera?” përfundon Hitchens.
Marrë nga: “The Indipendent” – /tesheshi.com/
