Gazeta prestigjoze britanike, “The Guardian”, në një artikull të sajin, në këndin e udhëtimeve, ka renditur 10 parqet kombëtare të Europës që duhet vizituar patjetër, ku ndër ta ka vendosur edhe Parkun Kombëtar të Butrintit. Kryeministri shqiptar, Edi Rama, në një postim në faqen e tij në Facebook e ka cilësuar këtë “një lajm i mirë për imazhin e vendit”. Shkrimi i “The Guardian” është mbështetur tek mendimi i publikut, i marrë nëpërmjet faqes online.
Më poshtë po botojmë shkrimin e plotë.
10 parqet që duhen vizituar
Durmitor, Mali i Zi
Një numër i konsiderueshëm i publikut e kanë pëlqyer mjedisin rural të Malit të Zi, i cili përshkruhet si “Më i bukuri në Europë”. Ata theksojnë: “Parku Durmitor ndodhet në veri dhe është padyshim i pabesueshëm, përfshirë dhe malet e thepisura, pyjet me pisha të pacënuara, kanionet e thella dhe liqenet me ujë të pastër kristal.
Ju mund të udhëtoni në këtë peizazh për dy- tri ditë, të cilat mund të rezultojnë të mrekullueshme.
Liqenet Plitvice, Kroaci
Një park kombëtar ku ne u ndjemë të kënaqur dhe rekomandojmë ta vizitoni është parku i Liqeveve Plitvice në Kroaci, i cili ka qenë i hequr nga lista e mëparshme, vetëm ngaqë ka kohë që qëndron në top klasifikim. Ky rajon është një ndër vendet e para të shpallura nga UNESCO në regjistrin ndërkombëtar të trashëgimisë natyrore që duhet ruajtur. Spektakolare në këtë liqen është pamja e ujvarave, imazh që është befasues dhe liqenet që shkëlqejnë edhe kur retë janë të mbushura me shi.
Parku Kombëtar Sierras de Cazorla, Segura y las Villas, Spanjë
Masivi pyjor më i madh i mbrojtur në Spanjë, është burimi i lumit Rio Guadalquivir. Parku Natural Sierra de Cazorla është një nga vendet më të mira për tu vizituar në provincën Jaen; e cila është këshilluar nga alpinistët të cilët bëjnë të ditur se për të shkuar duhet një makinë 4×4 të shoqëruar nga rojet pyjorë në pjesët e rezervatit pasi mund të ketë shqiponja, dhelpra, rrëqebulla e ndoshta dhe shqiponja mbretërore.
Helvetinjärvi, Finlandë
Në Finlandë, parku Helvetinjärvi përfshin shtegun Helvetinkolu një ngushticë në shkëmb që daton që nga epoka e akullnajave. Një lexues i bën elozhe peizazhit dhe cilësohet si një nga parqet kombëtare që mund të vizitohet lehtësisht nga të gjithë kategoritë e moshave, madje dhe invalidët me karroca.
Pylli Białovvieża në Poloni dhe Bjellorusi
Një çift lexuesish rekomandon pyllin Białowieża, një zonë të madhe që përshkon kufirin midis Polonisë dhe Bjellorusisë, të cilat janë të dyja të mbrojtur nën statusin e parkut kombëtar. Lexuesit vënë në dukje se ky është nga ato pak parqe në botë ku ju mund të gjeni bizon në kushte të egra. Parku është shtëpia për rreth 800 bizonë evropiane, si dhe mund të gjeni pemë të lashta të lisit me emra të tillë si mbreti i Niechanowo, perandorit i Veriut dhe Rojtari i Zwierzyniec.
Caldera de Taburiente, Ishujt Kanarie
Ishujt Kanarie kanë disa parqe kombëtare mahnitës dhe jo vetëm parkun e shumëpopulluar të Teide në Tenerife. Lexuesit sugjerojnë të vizitohet për dy orë udhëtim me target nga Tenerife Parku Kombëtar Taburiente në ishullin e La Palma … ”
Në një lartësi prej 1 mijë metrash shikohen shtigje të mahnitshëm. Një lexues thotë se isha në tetor atëherë kur nuk ka turma të mëdha turistësh. Mund të shikohen një seri tunelesh dhe guvash në malet e la Ruta de los Volcanes ku zë fill historia vullkanike e ishullit. Siç dihet ishujt La Palma nuk kanë vetëm plazhe të mrekullueshme me rërë të zezë. seks e sangria, por një peizazh ishullor të mrekullueshëm.
Pirin, Bullgari
Një çift pëlqyes të perëndimit të diellit e preferojnë këtë ta bëjnë në Malet Prin në Bullgari.
Eilert Ottem dëshiron të shtojë në listë një tjetër park kombëtar, pikërisht atë të Pirinit, në Jug të Bullgarisë, të cilin e cilëson si spektakolar ku mund të ngjitesh deri në lartësinë 3 mijë metra në një mjedis të rrethuar nga liqene dhe një jetë të egër fantastike. “Padyshim që do të kthehem si një muzikant rroku qyteti që jam thotë ai dhe shton se është një vend i mirë që nis në Dobrinishte, qytet i paqtë pranë Bansko. Një vend i këndshëm që mbyll udhëtimim është qyteti popullor për verën i Melnik, pranë manastirit të këndshëm të Rozhen.
Malet Sibillini, Itali
Një lexues që ka ngjitur lartësitë e Parkut Kombëtar të Maleve Sibillini në Italinë Qendrore, pjesë e Apenineve dhe lidh rajonet e Umbrias dhe Le Marche thekson se ai është territori i bimëve dhe kafshëve të rralla, por ka mjedis të mrekullueshëm dhe liqene panoramikë.
Ata sugjerojnë shëtitjen me biçikleta dhe konsumimin e ushqimeve të zonës ku ndodhen disa fshatra të bukur(Sarnano, San Ginesio). Aty ndodhen bujtina të shumta ku mund të hani ushqim të shijshëm malor me çmime mjaft të ulëta. Për të shëtitur Unazën e Madhe duhen rreth 9 ditë.
Parku i Butrintit
“Nuk ka turma të mëdha dhe ekziston një korpus i mrekullueshëm i kulturave antike greke, romake, mbetjet franke dhe otomane”. Ky është sugjerimi i vizitorit që ka qenë në Parkun e Butrintit në Shqipëri. Ndodhet në jug perëndim të vendit dhe është shumë i njohur për pasurinë e tij me historinë antike. Është vendi i siteve kuptimplotë arkeologjike dhe konsiderohet një mikro kozmos i Historisë së Shqipërisë.
/tesheshi.com/
