Presidenti, Hashim Thaçi, u takua mbrëmë me homologun turk, Recep Tajip Erdogan, në seancën e radhës të Asamblesë së Përgjithshme të Kombeve të Bashkuara, në New York.
Gjatë takimit Thaçi e falënderoi Erdogan për mbështetjen e gjithëanshme që Turqia i ka dhënë Kosovës.
Ai tha se Kosova i është mirënjohëse Turqisë për rolin e saj në përkrahjen e anëtarësimit në organizatat ndërkombëtare dhe njohjen nga vendet e tjera.
Thaçi ftoi për rritjen e bashkëpunimit dypalësh, veçanërisht në ekonomi, ndërsa ftoi presidentin Erdogan, që të vizitojë Kosovën në të ardhmen e afërt në funksion thellimit të bashkëpunimit ndërshtetëror.
Në këtë takim prezent ishin edhe zv.kryeministri i parë dhe ministri i Jashtëm, Behgjet Pacolli dhe amabsadorja Vlora Çitaku. /tesheshi.com/
