Në debatin e zhvilluar në Parlamentin e Kosovës për ndalimin e Ramush Haradinaj në Slloveni, deputetëve iu është drejtuar ministri Hashim Thaçi, i cili ka thënë se i ka ndodhur edhe atij që të ndalet në Slloveni, por edhe shumë udhëheqësve të tjerë të luftës.
Ai ka kundërshtuar që rezoluta e kërkuar nga AAK-ja të zbutet duke i ruajtur marrëdhëniet me Slloveninë.
Thaçi po ashtu ka deklaruar: “Bashkërisht ta zgjidhim më të mirën dhe më e mira është që ajo rezolutë t’iu shpërndahet deputetëve. Nuk është çështje vetëm me Slloveninë. Ne kemi udhëtuar me Haradinaj së bashku. Të njëjtat lista i kemi edhe në Morinë. Shqipëria është pjesë e NATOS-së. Disa të tjerë këtu nuk flasim, por iu lajmërohen Shqipërisë. Çka nëse ndonjë deputet ndalet në Morinë me ndonjë lëshim, tash na mu prish edhe me Shqipëri. Kjo është çështje shtetërore, jo emocionale. Mendoj që duhet të kemi kujdes në implementimin e rezolutave”, ka thënë Thaçi. /tesheshi.com/
