Mijëra njerëz, shumë shumë prej tyre duke valvitur flamuj të kuq dhe të verdhë, u mblodhën të shtunën në Madrid në favor të unitetit spanjoll, një ditë para një referendumi të ndaluar mbi pavarësinë e Katalonjës.
Demonstruesit u mblodhën në qendrën Plaza de Cibeles, përpara sallës së kryeqytetit, duke kënduar “Katalonja është pjesë e Spanjës!” dhe “Unë jam spanjoll, spanjoll, spanjoll!” – një thirrje që zakonisht dëgjohet gjatë ndeshjeve të futbollit të ekipit kombëtar.
Disa nga demonstruesit kërkuan burgosjen e presidentit pro-pavarësisë të Katalonjës, Carles Puigdemont.
Puigdemont është zotuar të vazhdojë me votimin e pavarësisë për Katalonjën, një rajon të pasur verilindor, që është shtëpia e rreth 7.5 milionë njerëzve, edhe pse një gjykatë spanjolle ka vendosur që votimi është jo-kushtetues.
Qeveria konservatore e kryeministrit Mariano Rajoy ka thënë gjithashtu se referendumi është i paligjshëm dhe ka premtuar të bëjë gjithçka në fuqinë e tij për ta ndaluar atë.
Pranë tij qëndronte Fernando Cepeda, një inxhinier 58-vjeçar, i cili tha se Katalonja dhe Baskia veriore e Spanjës tashmë gëzonin më shumë kompetenca sesa rajonet gjermane.
“Nuk është dashur të vijmë deri këtu, kemi arritur një pikë pa kthim”, tha Cepeda, me një flamur spanjoll të lidhur rreth belit.
Maite Lopez Sanchez, 55 vjeç, që erdhi në protestë me vajzën e saj, tha se “do të ishte mirë që institucionet spanjolle të shpjegojnë se çfarë masa po ndërmarrin për të zbatuar kushtetutën”.
“Nuk nuk e dimë se çfarë mund të ndodhë nesër, çdo gjë mund të ndodhë”, tha ajo.
Protestat pro-unitetit u mbajtën në disa qytete të tjera spanjolle duke përfshirë Seviljen, Santanderin, Palma de Mallorca dhe Barcelonën.
Referendumi ka provokuar ndarje të thella midis vetë katalanasve, duke provokuar një nga krizat më të mëdha që ka goditur Spanjën që kur demokracia u rivendos pas vdekjes së Franco-s në 1975. /tesheshi.com/
