Salla e parlamentit shqiptar u përfshi nga momente tensioni pasi deputeti demokrat, Flamur Noka qëlloi me një copë letër kolegun e tij socialist, Erjon Braçe.
Kjo ndodhi ndërsa në podium po fliste deputeti Berisha, si gjithnjë me një gjuhë tejet të ashpër ndaj qeverisë, ndërsa Braçe po lëshonte fraza ndaj tij nga vendi.
Kanë qenë pikërisht reagimet e Braçes që e kanë detyruar Nokën që të ngrihet nga vendi, të afrohet tek vendqëndrimi i kolegut të krahut tjetër politik dhe ta qëllojë atë me një copë letër.
Megjithatë, Braçe nuk ka reaguar fizikisht e po ashtu sa deputetë të tjerë që nisën të debatojnë me njëri-tjetrin në kushtet e tensionit që po kalonin. Drejtuesja e seancës, Valentina Leskaj e ndërpreu seancën dhe tashmë priten masat ndëshkuese ndaj Braçes dhe Nokës së përfshirë në incident.
Të dy këta deputetë njihen për temparamentin e tyre luftarak në politikë. Me gjuhën e popullit, janë tipikisht dy gjela, që për një moment u kacafytën me njëri-tjetrin, gjithsesi pa asnjë pasojë fizike por vetëm etike. E bënë më të shëmtuar se ç’është, jetën parlamentare shqiptare. /tesheshi.com/
