Tension edhe në Kuvendin e Shqipërisë gjatë seancës së sotme. Ajo që ka bërë bujë ka qenë pikërisht ai që mediat e cilësuan ditën e djeshme si skandalin e ministrit të Shëndetësisë Ilir Beqaj me pushimin nga puna të një mjeku në Tropojë.
Beqaj, i është drejtuar foltores së Kuvendit për të marrë fjalën e seancën e sotme, por ky moment ka ngjallur reagim të deputetëve të opozitës, të cilët janë mbledhur rreth foltores.
Ministri pritej që t’i përgjigjej akuzave të opozitës lidhur me publikimin e një përgjimi mbrëmjen e kaluar, një bisedë telefonike që Beqaj ka zhvilluar më herët me kreun e degës së FDSKSH në Tropojë.
Gjatë seancës së sotme, deputetët e opozitës kërkuan dorëheqjen e ministrit Ilir Beqaj./tesheshi.com/
