Dhjetëra mijëra njerëz u mblodhën në të gjithë Izraelin pasi ushtarët izraelitë gjetën trupat e gjashtë pengjeve të mbajtura nga Hamasi në Rripin e Gazës.
Demonstruesit – shumë të veshur me flamuj izraelitë – u mblodhën në Tel Aviv, Jerusalem dhe qytete të tjera, duke akuzuar kryeministrin Benjamin Netanyahu dhe qeverinë e tij se nuk kanë bërë sa duhet për të arritur një marrëveshje për të liruar pengjet e mbetura të kapur nga Hamasi gjatë sulmit të 7 tetorit.
Në këtë proces, barrikadat e policisë u thyen dhe u bllokua edhe autostrada kryesore që të çonte në Tel Aviv. Gjithçka vjen pasi sindikata e madhe e punës në Izrael, Histadrut, bëri thirrje për një grevë të përgjithshme mbarëkombëtare të hënën, duke kërkuar që qeveria e kryeministrit Netanyahu të angazhohet në mënyrë më efektive për një marrëveshje për pengjet e mbetura të Hamasit.
Mijëra kolonë izraelitë bllokuan rrugët kryesore të Tel Avivit, duke bërë thirrje për largimin e Netanyahut për shkak të refuzimit të tij për të pranuar një marrëveshje për Gazën.
Noga Burkman, një tjetër protestuese në Tel Aviv, i tha BBC-së se ajo “nuk mund të qëndronte më në shtëpi”.
“Njerëzit e kuptojnë se tani është koha për të thyer rregullat dhe për të bërë diçka”, tha ajo, duke shtuar se “sonte është vetëm fillimi”.
