Gjatë Kupës së Botës të sivjetme në Katar, i planifikuar nga 21 nëntori deri më 18 dhjetor, do të përdoret teknologjia gjysmëautomatike e zbulimit të pozicionit jashtë loje, e ashtuquajtura SAOT, njoftoi FIFA.
SAOT premton vendime më të sakta dhe më të shpejta në lidhje me offside sesa teknologjia aktuale VAR, raporton Reuters.
Ai përbëhet nga një seri kamerash të pozicionuara në mënyrë strategjike përgjatë fushës dhe një çip që do të futet në top. Teknologjia tashmë është testuar në dy gara gjatë shtatë muajve të fundit, dhe disa teste të tjera SAOT do të mbahen deri në turneun në Katar.
“Ne kemi punuar në përmirësimin e përdorimit të VAR-it, veçanërisht në vendimmarrje më të shpejtë. Jemi të vetëdijshëm se ndonjëherë kontrollet zgjasin shumë, veçanërisht kur bëhet fjalë për një vendim jashtë loje. Testimi i sistemit të ri ishte një sukses i madh dhe jemi të sigurt se në Katar do të kemi një mjet shumë të vlefshëm që do t’i ndihmojë gjyqtarët të marrin vendimet e duhura”, tha Pierluigi Collina, president i Komisionit të Arbitrave të FIFA-s.
Pavarësisht futjes së kësaj teknologjie, Collina thekson se drejtuesit e linjës do të jenë ende përgjegjës për vendimet në fushë. /tesheshi.com/
