Jeta e Sharon Stone nuk ka qenë aq idilike sa mendohet. Ajo ka rrëfyer për një goditje në tru që ka pësuar në vitin 2001, si dhe një dramë ekonomike më pas, duke humbur të gjitha të ardhurat e fituara nga aktrimi.
Siç tha ajo, pë shkak të sëmundjes, Hollyëood-i e injoroi atë për 20 vite të gjata.
Në një intervistë me The Hollywood Reporter, ajo zbuloi se humbi të gjitha kursimet e saj pas goditjes në tru, nga njerëz që futën duart në llogaritë e saj bankare, duke i fshirë ato.
“Kam pasur 18 milionë dollarë kursime për shkak të suksesit tim, por kur u ktheva dhe shikova llogarinë time bankare, gjithçka ishte zhdukur. Nuk kisha më para”.
E megjithatë, ajo tha se zgjodhi të mos vetëshkatërrohet nga kjo.
“Kam vendosur të mos mbahem pas sëmundjes, asnjë hidhërimi apo zemërimi. Nëse kafshon farën e hidhërimit, ajo nuk do të të lërë kurrë. Por nëse i përmbahesh besimit, edhe kur ai besim është sa një kokërr sinapi, ju do të mund të mbijetoni,” tha aktorja.
Në intervistë, ajo foli edhe për mënyrën se si jeta e saj ndryshoi pas hemorragjisë në tru që zgjati nëntë ditë. Stone zbuloi se trauma kishte ndryshuar 100 për qind mënyrën se si funksiononte truri i saj.
“Kam pasur një përvojë afër vdekjes. Kisha një gjakderdhje në tru për nëntë ditë, kështu që truri im u shty në pjesën e përparme të fytyrës sime. Nuk ishte në pozicionin që ishte më parë. Ndërsa e gjithë kjo po ndodhte, gjithçka ndryshoi shqisën time të nuhatjes, shqisën time të prekjes…”, kujton Stone. /tesheshi.com/
