Ai nuk është më deputet, por po mbahet faktor në politikën e ditës duke u investuar kundër LSI-së. Ish-deputeti i listave, Halit Valteri, denoncoi të tjerë emra në SPAK të kësaj force pak ditë pas bëri të njëjtën gjë me Ilir Metën.
“Petrit Vasili dhe Edmond Panariti, dhe çifti Meta Kryemadhi, për skemën e lobimit, është Elona Guri, Muharrem Berisha biznesmen, kanë kryer veprën penale të shpërdorimit të detyrën dhe fshehje të të ardhurave. Të gjitha para janë përfituar nga korrupsioni. Burimi i të dhënave është nga mediat, të huaja dhe shqiptare, më pas është hulumtuar duke marrë deklarimet e LSI nga 2021-2021 dhe të gjithë kontratat ka qenë përdorur edhe firma që rezultojnë me humbje dhe bëjnë transferta të dyshimta drejt LSI. Bëhet fjalë për periudhën 2016, 2017, 2018 ku Meta dhe ministrat e tij kanë shkuar në SHBA”, tha Valteri.
Ai ka paralajmëruar edhe denoncime të tjera, jo vetëm nga LSI.
“Do ketë të tjerë dhe nga PD e PS”, tha Valteri, duke shtuar se denoncimet, përgatitja e tyre në rrugën e drejtë nga pikëpamja ligjore, i ka përgatitur ai dhe disa shokë të fakultetit, të cilët kanë mbaruar për juridik. Pra, nuk shpenzojnë para për studio ligjore, por është e bërë e gjitha në mënyrë vullnetare.
“Jemi një grup shokësh. Mendojmë se po i bëjmë një gjë të mirë vendit”, tha ish-deputeti matjan. /tesheshi.com/
