Kanë qenë tre viktimat e sulmit me armë ditën e sotme në Milano të Italisë. Personat që kanë humbur jetën kanë qenë gjykatësi Fernando Ciampi, avokati Lorenzo Alberto Claris Appiani dhe Giorgio Erba, bashkëpunëtor i vrasësit.
Ai që ka hapur zjarr ka qenë Claudio Giardiello., një person i akuzuar për mashtrim, i cili ka arritur që duke fshehur armën e krimit, të hyjë në një nga sallat e pallatit të ddrejtësisë në Milano, ku edhe ka kryer krimin.
Më pas ai është larguar nga vendi i ngjarjes duke u arrestuar disa orë më vonë në Vimercate, në Monza.
Gjykatësi Fernando Ciampi, ësht ëvrarë me dy goditje të armës së Claudio Giardiello. Lajmi është konfirmuar nga prokurori Edmondo Bruti Liberati, i cili ka shpjeguar se Ciampi, përpara se të vritej, kishte kërkuar të mbronte një nga kolegët e tij.
Autori ka hyrë në Gjykatë duke treguar një letër false, e cila i ka lejuar të hyjë jo nga dera e zakonshme, por nga ajo e veçantë, rezervuar për prokurorët dhe gjykatësit.
Ministri i Brendshëm i Italisë, Angelino Alfano ka bërë me dije se vrasësi ishte i gatshëm të shtinte edhe mbi persona të tjerë, në momentin e arrestimit në Vimercate.
Sipas prokurorit të Breshias, Tommaso Bonanno, killeri kishte goditur 13 herë nga arma e tij.
“Doja të hakmerresha ndaj atyre që më kanë shkatërruar”,- kanë qenë fjalët e para të vrasësit sapo ai është arrestuar. Lajmi është bërë i ditur nga agjencia italiane e lajmeve “Ansa”./tesheshi.com/
