Do të numërohen edhe një herë në mënyrë të plotë votat në Wisconsin, shtetin amerikan në të cilin Trump fitoi me një rezultat të ngushtë. Kjo kërkesë për rinumërim është bërë nga Partia e Gjelbër e Jill Stein.
“Po luftojmë për sistemin e votimit që meritojmë, për një sistem tek i cili të besojmë se ka ndershmëri dhe siguri dhe se nuk është subjekt i vjedhjeve e manipulimeve. Po luftojmë për të treguar se meritojmë këtë lloj sistemi në këto zgjedhje dhe në çdo zgjedhje tjetër”, ka thënë Jill Stein.
Ajo ka paguar një detyrim prej 1,1 milionë dollarësh për të arritur rinumërimin në Wisconsin e javën që vjen, planifikon të bëjë të njëjtën gjë edhe në Michigan e Pensilvani./tesheshi.com/
