Studimi nga revista Positive Psychology tregon se një sjellje jashtë mase mbrojtëse ndaj fëmijëve u lë atyre pasoja për një jetë të tërë. Studiuesit kanë marrë nën vëzhgim një numër prej 5000 vetash të lindur në vitin 1946 dhe sipas analizave ka rezultuar se përqindjen më të lartë në standartet e lumturisë dhe të shëndetit mendor kanë rezultuar ata që nuk kanë pasur prindër “që të zënë frymën” .
Është e vërtetë që fëmijët që kanë pasur lidhje të fortë me prindërit e tyre kanë rezultuar si pesona të aftë për të krijuar marrëdhënie të qendrueshme me partnerët e tyre. Mirëpo, lidhje e fortë nuk nënkupton të ndaluarit të çdo gjëje, marrje vendime në vend të fëmijës apo të ndërhyrit në gjërat personale.
Një kontroll i vazhdueshëm dhe ndalesa të vazdhueshme e bëjnë fëmijën të rritet me mosbesim tek vetja, mungesë iniciative dhe frikë për të ndërvepruar. Por kjo s’do të thotë ta lësh fëmijën të bëj ç’të dojë. Kontroll i mjaftueshëm pa u vërejtur nga fëmija, ndalesa në disa vende dhe në disa raste në mënyrën e duhur nuk i ka bërë dëm askujt. /tesheshi.com/
