Të gjithë specat janë një burim i mirë i vitaminave A, C dhe K. Të gjitha llojet e specave janë të pasura me këto vitamina, por specat e kuq janë ata që përmbajnë sasi më të madhe të tyre.
Vitaminat A, C dhe antioksidantët ndihmojnë për të parandaluar dëmtimin e qelizave, kancerin, sëmundjet e lidhura me plakjen, si edhe rrisin sistemin imunitar.
Ato zvogëlojnë inflamacionin. Vitamina K nxit koagulimin e duhur të gjakut, forcon kockat dhe ndihmon në mbrojtjen e qelizave nga dëmtimi oksidativ.
Specat e kuq janë një burim i mirë i karotenoideve të quajtura likopene, që janë duke fituar reputacion të madh në ndihmën e dhënë në parandalimin e kancerit të prostatës, atë të fshikëzës, qafës së mitrës dhe pankreasit.
Beta-cryptoxanthina, e cila shërben për të parandaluar kancerin e mushkërive të lidhur me duhanpirësit aktivë dhe pasivë, është një tjetër karotenoid që gjendet te specat e kuq. Përveçse janë të pasur me fitokimikate, specat sigurojnë dhe një sasi të mire të fibrave. /tesheshi.com/
