Heroi i Luftës së Dytë Botërore, Wilf Russell ishte 93 vjeç dhe ndërroi jetë më 29 mars në azil, në orën 06.50. Në mënyrë të pabesueshme bashkëshortja e tij, Vera ndërroi jetë vetëm 3 milje larg tij katër minuta më pas, në 06.54.
Wilf, i cili ka luftuar në Itali dhe Afrikën e Jugut me RAF, u zhvendos në azilin Magna Care Home në Wingston, pasi u diagnostifikua me dementia vitin e kaluar.
Të afërmit rrëfejnë se shëndeti i Verës filloi të përkeqësohet pasi bashkëshorti i saj prej 70 vitesh nuk e njohu gjatë vizitave të saj.
Ajo u shtrua në spital në janar dhe u largua nga kjo botë pa e ditur se dhe Wilf kishte vdekur. Kur u fejuan ata ishin 16 dhe 18 vjeç, dhe u martuan më 5 shtator të 1945 pas luftës.
Në këtë rast vlen të theksohet se pavarësisht se në ceremoninë e martesës zë vend shprehja e famshme “Derisa vdekja të na ndajë”, për çiftin e martuar prej 70 vjetësh kjo shprehje shkoi përtej vdekjes./tesheshi.com/
