Ish-shefi i DSK-së, Sasho Mijallkov dhe ish-anëtari i KSHZ-së Bedredin Ibrahimi, shkuan vetë në burgun e Shutkës në Shkup, pas Gjykata Penale i shpalli ata fajtorë për aferën “Titanik 2”, që ka të bëjë me shkelje në procesin zgjedhor të vitit 2013.
Ndërsa i dënuari tjetër i bujshëm, kreu i PDSH-së Menduh Thaçi, ende nuk ka reaguar.
Ibrahimi reagoi fuqishëm pasi u ballafaqua me verdiktin e gjykatës, duke thën se “Bedredin Ibrahimi ka lindur këtu, këtu do të mbetet dhe këtu do të vdesë. Nuk ka forcë që do të mund ta detyrojë të lëshojë këtë vend për aq kohë sa para instancave më të larta nuk vërtetoj që jam i pafajshëm. Nuk kam nevojë që të ikë askund. Këtu do të mbetem dhe asaj do t’i qesh në fytyrë sepse ky është vetëm një vendim i shkallës së parë”.
Ndërsa Mijallkov tha se nuk e ka për stil arratisjen, gjë që ndodhi me ish-shefin e tij Gruesvki.
“Stili i jetës sime nuk është arratisja. Në fakt dua të them që unë asnjëherë nuk do të arratisem edhe nëse këtë vendim e konfirmon Gjykata e Apelit. Atë do ta zgjidhi me vuajtjen e dënimit”, theksoi Sasho Mijallkov, ish-drejtor i DSK-së.
Të dy këta e dënuar të tjerë bashkë me ta, pritet ta çojnë çështjen në Apel me shpresën se do mund t’i shpëtojnë dënimit. /tesheshi.com/
