Të darkosh në qiell! (foto)

Të rrish pezull 50 metra mbi tokë nuk mund të jetë ide e mirë për të gjithë për një darkë të këndshme, por pamja e detit dhe horizonti i largët menjëherë pas perëndimit të diellit e bën atë një eksperiencë të paharrueshme.

Risia e “Darkave në Qiell” që filloi në Belgjikë tashmë është përhapur në shumë vende.

Vakti është përgatitur posaçërisht dhe shërbehet nga kuzhinieri dhe kamarierët që janë bashkë me të ftuarit në platformën që ngrihet lart.

Tashmë më shumë se 5.000 restorante të tilla janë hapur në 45 qytete në mbarë botën.

Ka dy seanca ngrënie në orën 18 dhe në orën 19:30 për përvojën e muzgut dhe shikimin e horizontit të qytetit natën.

Prenotimet për një darkë të tillë bëhen disa ditë përpara. Në Kuala Lumpur, rezervimet janë rreth dy muaj përpara.

Çdo seancë ngrënie është e hapur për darkat private dhe mbledhjes e korporatave dhe mund të mbajë deri në 22 klientë.

Mysafirët e ulur veshin rripat e sigurisë, ndërsa prezantuesi në këmbë dhe ekuipazhi janë të siguruar nga pajimet e sigurisë gjatë gjithë kohës.

Një mbikëqyrës sigurie informon klientët rreth të gjitha rregullave të sigurisë para fluturimit dhe është në komunikim të vazhdueshëm me operatorin e vinçit dhe ekuipazhin tokësor për një fluturim të qetë.

Përvoja është miratuar nga TÜV SÜD, organizata gjermane që vërteton sigurinë e produkteve të të gjitha llojeve për të mbrojtur njerëzit dhe mjedisin nga rreziqet.

Revista Forbes e cilësoi “Darkën në Qiell” si një nga restorantet më të pazakonta në botë. /tesheshi.com/