Jose Mourinho kishte ironizuar me trajnerin e Arsenalit, Arsene Wenger para sfidës së Superkupës së Anglisë, duke e quajtur francezin “dështak”. Por, në të vërtetë dështaku i vetëm i vërtetë këtu është portugezi Mourinho pasi në tri ndeshjet e fundit ka pësuar dy humbje dhe ka një barazim.
Mourinho ka fituar vetëm një pikë me skuadrën e tij Chelsea në këtë fillim edicioni në Premier Ligën Angleze. Ky është starti më i dobët që “i veçanti” ka patur në karrierën e tij. Pos kësaj, Mou kishte humbur edhe Superkupën e Anglisë, pasi ishte mposhtur nga Arsenali minimalisht.
Mediat në ishull kanë filluar të ironizojnë me portugezin duke e quajtur atë “dështak” të momentit, pasi ka varguar rezultatet negative në startin e sezonit. Por, rezultatet nuk mbeten brenga e vetme që ka Jose, ai ka shkarkuar nga detyra edhe stafin mjeksor të skuadrës me në krye doktoreshën Eva Carneiro deri sa në ndeshjen e fundit ndaj Manchester City ka patur konflikt verbal me kapitenin John Terry, me ç’rast e ka zëvendësuar në pjesë të dytë.
/tesheshi.com/
