Ish-kryefinancieri demokrat, Ridvan Boden, e ka quajtur të dështuar qeverinë Rama në raport me politikat ekonomike. Gjatë një prononcimi të fundit televiziv, ai është ndalur veçanërisht tek treguesit fiskalë, si prova më e qartë e dështimit të pretendua:
“E gjithë politika fiskale që tentoi të ndërtonte qeveria bazuar në progresivitetin dhe në taksimin e fortë, ishte një politikë tërësisht e dështuar që nuk dha asnjë rezultat. Kjo është arsyeja kryesore përse rishikohet buxheti”, tha Bode për Top Channel.
Sipas Bodes, kjo situatë po dallohet qartë në një klimë të rëndë dhe për biznesin, pa llogatitur këtu dhe ftohjen e konsumatorit me tregun:
“Aspekti psikologjik, që përjetojnë qoftë konsumatori, ashtu dhe komuniteti i biznesit, janë negative dhe të tilla, që do të persistojnë në periudhë afagjatë për të shpresuar një ringritje. Por në këto rrethana ringritja do të jetë shumë e vështirë”.
Për Boden rritja e dobët ekonomike e kombinuar me borxhin e lartë kanë shtuar rreziqet edhe për qëndrueshmërinë financiare të vendit.
