Alexis Tsipras dhe Vladimir Putin janë takuar në mënyrë shumë të ngrohtë mes tyre ndërsa kanë vlerësuar në mënyrë zyrtare punën e secilit prej liderëve të shtetit. kështu ka nisur me buzëqeshje të madhe vizita e kryeministrit grek në Moskë, një takim i cili do të duhej të zhvillohej më 9 maj, por që është përshpejtuar.
“Qëllimi i vizitës sime është të kërkojmë bashkë një rrugë, për ti dhënë një fillim të ri raporteve tona për një të mirë t përbashkët për të dy popujt”,- ka thënë Tsipras, i cili ka marrë një përgjigje të sheqerosur nga ana e Putin.
“Vizitua juaj nuk mund të ishte mëse e përshtatshme dhe më e duhur se në këtë kohë”. Megjithatë, një dashuri e tillë mes liderëve të dy shteteve, ka nervozuar Brukselin. Liderët europianë janë të shqetësuar në lidhje me aksin që mund të krijohet mes Rusisë dhe Athinës, e cila po lufton me menaxhimin e borxhit.
Putin i ka ofruar Greqisë të heqë embargon mbi eksportet në Rusi, e cila do të rriste në një masë prej 40% shkëmbimin tregtar midis Athinës dhe shtetit që drejton Putin. “Mënyra më e mirë për të zgjidhur problemet është për të ndalojmë luftën e sanksioneve dhe kundërmasat ruse”,- ka deklaruar kreu i Kremlinit.
Si një sulm i moderuar për Komisionin Europian ka qenë deklarata e Tsipras, i cili është shprehur: “Të gjithë anëtarët e familjes nuk udhëtojnë domosdoshëmrisht në të njëjtat vende, por janë të gjithë anëtarë të një familje dhe kanë të njëjtin vizion për botën”.
Acarimi ka arritur maksimumin kur, në përfundim të takimit në Kremlin, Putin ka deklaruar se Greqia “mund të shndërrohet në një qendër të rëndësishme të shpërndarjes” falë gazësjellësit ruso-turk, që Moska ka në plan të ndërtojë në Ankara. Më pas ai ka shtuar se deri tani Greqia nuk ka kërkuar ndihmë./tesheshi.com/
