Kombinimi ideal i mishit të pulës me perime të tilla si patate, karota apo qepë. Shumë e shëndetshme dhe perfekte për të gjithë pjesëtarët e familjes, veçanërisht për fëmijët.
Përbërësit:
400 gr mish pule, 3 qepë, 3 karota, 3 patate, 2 lugë miell, 150 ml salcë domatesh, ujë, kripë, piper i zi
Përgatitja:
Mishin e pulës së pastruar më parë e presim në copa dhe vendosim në një tenxhere me ujë duke e lënë të ziejë për rreth 20 minuta.
Grijmë qepët imët dhe i shtojmë në një tigan me vaj. Më pas shtojmë karotat dhe patatet e prera në kubikë jo shumë të vegjël.
I përziejmë dhe i lëmë të zbuten në një zjarr të ngadaltë në mënyrë që të mos ngjisin. Më pas shtojmë mishin e zier, kripën piperin dhe salcën e domates.
I përziejmë sërish dhe shtojmë në të një filxhan me ujë.
Në lëngun e mishit shtojmë miellin dhe e përziejmë që të tretet dhe të mos krijojë kokrriza.
E vëmë në zjarr në temperaturë të ulët dhe më pas shtojmë pjesën tjetër të përgatitjes me mishin dhe perimet.
I lëmë të ziejnë për rreth 40 minuta, derisa lëngu të jetë trashur dhe më pas e largojmë nga zjarri./tesheshi.com/
