DASH dënon sulmin e Iranit ndaj Shqipërisë: Do t’u mbështesim për të forcuar mbrojtjen kibernetike
Departamenti Amerikan i Shtetit ka dënuar sulmin kibernetik të Iranit ndaj sistemit TIMS në Shqipëri, ndodhur së fundi, fill pas Tirana shkëputi marrëdhëniet diplomatike me Teheranin pikërisht për këtë arsye, pas një sulmi në korrik.
Në një deklaratë zëdhënësi i DASH, Ned Price, tha se sulmi kibernetik i 9 shtatorit pason atë të 15 korrikut dhe shprehu mbështetjen ndaj Shqipërisë për të forcuar mbrojtjen kibernetike.
“Dënojmë me forcë sulmin kibernetik të 9 shtatorit kundër aleates sonë në NATO, Shqipërisë, i cli pason sulmin kibernetik të Iranit të 15 korrikut. Ne do të vazhdojmë të punojmë krah për krah me Shqipërinë dhe aleatët e partnerët e tjerë, për të forcuar mbrojtjen kibernetike dhe për t’i bërë përgjegjës aktorët keqdashës”, shprehet Zëdhënësi i Departamentit të Shtetit të SHBA, Ned Price.
Kujtojmë se sistemi TIMS në vend u sulmua më 9 shtator nga hakerat që dyshohet se janë të njëjtët që sulmuan E-Albania-n dy muaj më parë.
Nga sulmi u bllokua verifikimi elektronik i pasagjerëve në porte dhe në aeroportin e Rinasit.
Aktualisht sistemet e kontrollit të pasagjerëve në pikat kufitare janë rikthyer në funksion. /tesheshi.com/
