Irani është dënuar në masë të gjërë të premten për mbështetjen e saj ndaj milicisë shiite huthinj, e cila lëshoi një raketë natën e së enjtes drejt Mekës, qytetit më të shenjtë islam.
Forcat mbrojtëse tokësore saudite arritën ta zbulojnë atë para se të arrinte në qytet.
Këshilli i lartë i dijetarëve të Arabisë Saudite tha në një deklaratë të premten se shënjestrimi i dy xhamive të Shenjta është një krim i madh dhe një provë e re e ambicieve të (Iranit) “Safawis” dhe planeve për vendosjen e huthinjëve në Jemen.
Këshilli Shura i Arabisë Saudite e quajti sulmin “mizor” nga agjentët iranianë në Jemen, në vendin më të shenjtë në Tokë.
“Ky akt kriminal është një provokim për ndjenjat e më shumë se 1 miliard myslimanëve në mbarë botën. Kjo nuk do të pengojë Mbretërinë në përkushtimin e saj për shpartallimin e kujtdo që përpiqet të minojë sigurinë dhe stabilitetin e vendit dhe të qytetarëve të saj”, ka thënë kryetari i Këshillit Shura, Abdullah Al-Ashiekh.
Ai i bëri thirrje të gjitha parlamenteve të botës, sidomos vendeve islame, të dënojnë këtë agresion dhe kushdo që qëndron prapa saj.
“Këshilli i Shuras qëndron në solidaritet me të gjitha masat që qeveria saudite ka ndërmarrë për të ofruar sigurinë dhe stabilitetin e vendit”, shtoi ai.
“Këshilli konsideron këtë sulm brutal, i cili shkel shenjtërinë e këtij vendi; një provokim ndaj ndjenjave të muslimanëve dhe mospërfillje për vendet e shenjta islame, si dhe dëshmi e refuzimit të huthinjve që t’i binden vullnetit të bashkësisë ndërkombëtare dhe vendimeve të saj për të zbatuar armëpushimin ekzistues, në përpjekjet e palodhura për të arritur një zgjidhje politike për krizën në Jemen”, thuhet më tej në deklaratë.
Ndërsa ministri i Jashtëm, Abdullah bin Zayed, tha në llogarinë e tij twitter: “Regjimi iranian që mbështet një grup terrorist i cili shënjestron Mekën e Shenjtë, a është ky një regjim islamik siç pretendon?”
Bahreni gjithashtu dënoi veprimin e huthinjëve ndaj Mekës, duke thënë se ky akt është një provokim për të gjithë muslimanët në botë.
Zëdhënësi i Koalicionit, Gjenerali Ahmad Al-Assiri ka thënë: “Shënjestrimi i vendit më të shenjtë në tokë me një raketë balistike mbrëmë, zbulon parullat e rreme të milicisë huthinj.”
Al-Assiri përsëriti gatishmërinë e koalicionit për t’u marrë me agresionin huthinj dukë thënë se “do t’i shkurtojë kokën gjarprit” për t’i shkaktuar disfatë kësaj milicie terroriste.
Katari gjithashtu dënoi dhe e denoncoi përpjekjet për të sulmuar Mekën, “Ky është një agresion i egër kundër shenjtërisë së faltores së shenjtë islame dhe një provokim për ndjenjat fetare të miliona myslimanëve në mbarë botën,” tha Ministria e Jashtme e këtij vendi.
Deklarata e Katarit përsëriti mbështetjen për përpjekjet e vazhdueshme të Arabisë Saudite për të ofruar sigurinë rajonale dhe stabilitetin dhe përpjekjet e saj për të arritur paqe në Jemen, në përputhje me rezolutën e OKB-së 2216, me iniciativën GCC dhe dialogun kombëtar të Jemenit. /tesheshi.com/
