Një xhami në shtetin amerikan të Minesotës ishte shënjestër e një sulmi me bombë të shtunën, ndërsa adhuruesit e mbledhur brenda po falnin namazin e mëngjesit.
Askush nuk u plagos nga ky sulm në Qendrën Islamike Dar Al Farooq në Bloomington, megjithëse policia thotë se zyra e imamit ishte dëmtuar.
Byroja Federale e Hetimeve ka nisur një hetim për sulmin, i cili u zhvillua rreth orës 5 të kohës lokale.
Richard Thorton, agjent special i FBI, tha se hetimi do të përcaktojë nëse sulmi ishte një krim me urrejtje dhe kush qëndron pas tij.
Thorton shtoi se shpërthimi ishte shkaktuar nga një “pajisje e improvizuar “.
Adhuruesit arritën të shuajnë flakët para ardhjes së zjarrfikësve, sipas një deklarate nga Shoqata Amerikane Muslimane e Minesotës.
Drejtori i grupit, Asad Zaman, u tha gazetarëve se “një dëshmitar kishte parë se diçka ishte hedhur në dritaren e zyrës së imamit nga një furgon ose kamion.”
Mohamed Omar, drejtor ekzekutiv i xhamisë, shtoi se automjeti u largua menjëherë me shpejtësi.
Xhamia, me besimtarë kryesisht somalez, si shumë xhami të tjera në të gjithë vendin, kanë pranuar thirrje kërcënuese dhe e-maila, u tha Omar mediave lokale.
“Ishte 05:00 e mëngjesit. E gjithë lagjja ishte e qetë, dhe njerëzit duhet të kenë qenë fjetur” tha ai.
“Jam i tronditur nga ajo çfarë ka ndodhur.”
Yasir Abdalrahman, një besimtar në xhami, tha se shpërthimi ishte “i paimagjinueshëm”.
“Ne kemi ardhur në këtë vend për të njëjtën arsye si të gjithë të tjerët që erdhën këtu: liria për të adhuruar,” tha Abdalrahman.
“Dhe kjo liri është nën kërcënim. Çdo amerikan duhet të ndihet i fyer nga kjo.”
Qendra Islame Dar Al Farooq shërben si një hapësirë dhe platformë për organizimin fetar të komunitetit për aktivistët muslimanë dhe udhëheqësit në këtë pjesë, sipas Shoqërisë Amerikane Muslimane të Minesotës.
Këshilli për Marrëdhëniet Amerikano-Islame (CAIR) u kërkoi qendrave islame dhe xhamive në të gjithë vendin që të rrisin sigurinë.
Sulmi vjen në një kohë të rritjes dramatike të numrit të incidenteve anti-myslimane në SHBA, sipas CAIR.
Grupi tha se ka pasur 2,213 incidente të tilla vitin e kaluar, një rritje me 57 % nga viti 2015.
Sipas Southern Poverty Law Center, numri i grupeve të urrejtjes anti-myslimane në SHBA është trefishuar që kur Donald Trump filloi fushatën e tij presidenciale në vitin 2015.
Është raportuar se numri i organizatave që janë muslimanëve, “kërceu” nga 34 në vitin 2015 në 101 vitin e kaluar.
Në qershor, hyri në fuqi zbatimi i pjesshëm i urdhërit të Trump, sipas të cilit, aplikantët e rinj të vizave nga Siria, Sudani, Somalia, Libia, Irani dhe Jemeni dhe të gjithë refugjatët duhet të dëshmojnë një lidhje farefisnore me një të afërm “të ngushtë” që ndodhen tashmë në Shtetet e Bashkuara në mënyrë që të jenë të ligjshëm për një vizë amerikane. /tesheshi.com/
