Vendi skandinav do ta rikthejë shërbimin e detyrueshëm ushtarak në 2018-n, tetë vite pas heqjes së tij.
Në një konferencë shtypi, ministri suedez i Mbrojtjes, Peter Hultqvist, ka deklaruar, “Shpresoj se jemi drejt gjetjes së një rruge për një mënyrë më të qëndrueshme dhe më funksionale rekrutimi.”
Masa e re në fushën e mbrojtjes pritet të miratohet nga parlamenti, e do të prekë suedezët e lindur pas vitit 1999.
Pritet që çdo vit të thirren nën armë rreth 4.000 të rinj të dy gjinive.
Shërbimi i detyrueshëm ushtarak do të hiqej në vitin 2010, i vlerësuar si një mënyrë e pakënaqshme e përmbushjes së nevojave të një ushtrie moderne.
Nisma e re për kthimin e shërbimit të detyrueshëm ushtarak është çmuar pozitivisht, parë nga fakti se për vite vullnetarët nuk kanë qenë të mjaftueshëm si nga pikëpamja sasiore, ashtu dhe nga ajo cilësore.
Suedia nuk është anëtare e NATO-s, por ka nënshkruar programin e Partneritetit për Paqe, që mundëson bashkëpunimin ushtarak midis aleancës euroatlantike dhe vendeve joanëtare. /tesheshi.com/
