Studentët ekselentë shqiptarë që studiojnë në 15 universitetet më të mira të botës do të kenë një mbështetje edhe më të madhe financiare nga shteti. Kjo rezulton të paktën nga shtimi i fondit të mbështetjen me 150 milionë lekë, të cilat do të përdoren për të mbuluar kostot e jetesës.
Të përfshirë në këtë shtesë fondi janë edhe punonjës të administratës publike, të cilët përfitojnë trajnime, kualifikime apo studime të ciklit të dytë dhe tretë në 300 universitet më të mira të botës në degët:
– Politika publike
– Administrim publik
– Politika ekonomike
– Politika arsimore
– Politika shëndetësore
– Urbanistikë dhe zhvillim urban
– Menaxhim i financave publike
– E drejtë administrative/publike
– Studime Evropiane
Gjithashtu raportohet se Ministria e Arsimit ka siguruar mbështetje edhe për sportin dhe aktivitetet rinore, ndërsa 140 milionë lekë janë përdorur në mbështetje të marrëveshjes “Horizon 2020”, për Kërkim dhe Inovacion. /tesheshi.com/
