Mund të duket diçka e pabesueshme, si fanta-shkencë, por kërkimi i udhëtarëve të kohës është një aktivitet që ka përfshirë, e vazhdon të përfshijë, kërkues të zellshëm e shkencëtarë nga e gjithë bota.
Po, e kuptuat mirë: ka burra e gra që kanë vendosur t’ia kushtojnë jetën kësaj punë, shpjegon Economist, duke shpenzuar një pjesë të çmuar të kohës së tyre, në përpjekje për të kuptuar si mund ta dallojnë nëse dikush mund të ketë ardhur nga e kaluara apo e ardhmja, e që mund të fshihen ne mesin tonë.
Shumë prej tyre janë zgjeruar në këtë drejtim dhe kanë nisur të zhvillojnë makina të kohës, pajisje të sofistikuara thjeshtë teorike, të cilat, falë një përzierje vrimash të zeza dhe paradoksesh fiziko-matematike mendohet të na mundësojnë udhëtimin para dhe mbrapa në kohë në linjën kohore.
Festa paradoksale
Vetë shkencëtari i famshëm Stephen Hawking ka organizuar një festë në vitin 2009 kushtuar “udhëtarëve të kohës”, duke treguar për datën vetëm pasi festa kishte mbaruar. Në këtë mënyrë do të mund të kishin marrë pjesë vetëm vizitorë nga e ardhmja.
Ironikisht, fakti që askush nuk u paraqit në festën e Hawking është një provë se udhëtimi në kohë është i pamundur.
Një eksperiment të ngjashëm e kishte bërë në vitin 2005 edhe Amal Dorai, një i diplomuar në MIT. Dorai i kishte fshehur ftesat e festës, e cila duhej të zhvillohej në kampin e volejbollit, në librat e bibliotekës dhe në disa kapsula kohe të groposura.
Në takim erdhën 450 vetë, por asnjëri nuk i plotësonte kriteret për t’u konsideruar “udhëtar kohe.”/tesheshi.com/
