Ndërsa të gjithë i kanë kthyer sytë nga Franca gjatë ditës së sotme, ku do të luhet ndeshja e futbollit Shqipëri-Francë, nuk mund të mungonte dhe mbështetja e kryeministrit Edi Rama ndaj kombëtares tonë.
Ai e ka cilësuar këtë ndeshje si një sprovë të dytë, ndërsa ka thënë se edhe pse super e vështirë, asnjë gjë nuk është e pamundur.
“Super e vështirë po asgjë s’është e pamundur nëse djemtë e mrekullueshëm të Kombëtares do të hyjnë në fushë të çliruar nga presioni i jashtëzakonshëm i përgjegjësisë, që i pengoi të luanin lirisht në gjysmën e pjesës së parë të ndeshjes me Zvicrën dhe të ishin të kthjellët në rastet e pastra vetëm për vetëm përballë portierit… Le t’u çojmë me një like mesazhin e mbështetjes sonë të pakushtëzuar nga rezultati dhe cilidoqoftë rezultati, ata mbeten heronjtë e padiskutueshëm të këtij momenti magjik të futbollit tonë #ForcaShqiperia❤ në fushën e lojës dhe në shkallët e stadiumit ku tifozët kuqezinj bënë të flitet me superlativa për kulturën sportive që shfaqën para, gjatë dhe pas ndeshjes së parë me Zvicrën”, – ka shkruar kreu i qeverisë në Facebook, ndërsa postimit të tij i bashkëngjit edhe një video. /tesheshi.com/
