Si pjesë e operacioneve të Prokurorisë së Specializuar, policia e EULEX-it dhe Policia e Kosovës janë duke kontrolluar shtëpinë e Jakup Krasniqi, ish-zëdhënës i UÇK-së, ish-kryeparlamentar i Kosovës.
Këshillat e Specializuar të Kosovës në Hagë njoftuan, pa dhënë emrat e tyre, se operacionet e Prokurorisë së Specializuar janë duke u zhvilluar me mbështetjen e Policisë së Kosovës dhe Misionit Evropian të Sundimit të Ligjit në Kosovë (EULEX).
Jakup Krasniqi është aktualisht është president i Këshillit Kombëtar të Nismës Social Demokratike të Limajt, dhe nuk mban ndonjë zyrë shtetërore.
Më parë, kur drejtonte Kuvendin e Kosovës, ishte pjesë e PDK-së si i afërt me Thaçin që nga koha e luftës.
Jakup Krasniqi është ndër figurat më të papërfolura, të luftës apo të periudhës pas saj. Në gjithë këto vite, ai ka ruajtur një profil serioz, duke ruajtur dhe integritetin politik.
Ndërsa në luftë, UÇK-ja e prezantuar me portretin dhe fjalët e tij, arriti të përftonte një përkrahje ndërkombëtare. /tesheshi.com/
