Ministria e Arsimit, Shkencës dhe Teknologjisë (MAShT), organizon Javën e Shkencës në Kosovë 2015, e cila fillon sot dhe vazhdon edhe më 13, 14 dhe 15 maj.
Fjalën e hapjes do ta mbajë ministri i Arsimit, Shkencës dhe Teknologjisë, z. Arsim Bajrami.
Seanca plenare dhe seancat tematike të ditës së parë do të mbahen në Kompleksin Qeveritar (ndërtesa e ish Rilindjes), ndërsa seancat tematike të ditëve tjera do të mbahen në Fakultetin e Edukimit.
Gjatë këtyre ditëve sa do të zgjatë Java e Shkencës do të prezantojnë punimet e tyre rreth 300 studiues.
Ceremonia e hapjes së Javës së Shkencës mbahet sot në ndërtesën e ish Rilindjes, me fillim në orën 10:00.
