Nuk është ndonjë habi apo tronditje fakti që në sondazhet më të reja për atë që mendojnë personat nën 30 vjeç (i ashtuquajturi brezi i mijëvjeçarit të ri) nga Instituti i Politikës së Harvardit, pjesa më e madhe e tyre e identifikojnë veten më shumë si demokratë sesa si republikanë. Krahasuar me popullsinë në tërësi, falë të dhënave nga Gallup, ata janë më shumë “të zemëruar” dhe më shumë indipendentistë.
Ky ka qenë konflikti motivues në qendër të panoramës që kanë dhënë rezultatet e Harvardit. Të rinjtë priren të mbështesin më fort demokratët, ndërkohë që shprehen pro pavarësisë së tyre.
Impulsi i parë u reflektua në garën presidenciale. Habitshëm askush, përveç Bernie Sanders, shihet më pozitivisht mes pesë kandidatëve të mbetur në garë – dhe në fakt, ai është i vetmi që shihet më shumë pozitivisht sesa negativisht.
Fushata e Sanders e ka bërë mbështetjen nga të rinjtë një gur themeli të argumenteve për të bindur superdelegatët që ta mbështesin në konvetën e demokratëve. Nëse këta votues të rinj që mbështesin Sanders marrin nga Klinton, pengesat për të bëhen më të mëdha.
Por, në një përballje mes të rinjve demokratë kundër atyre republikanë, avantazhi për demokratët ka njohur vetëm rritje që prej vitit të kaluar. Madje, edhe mes votuesve të rinj të bardhë, një president demokrat tashmë preferohet më shumë sesa një republikan.
Klinton ka një avantazh masiv ndaj Trump në radhët e të rinjve të përmasave që duhet të qetësojë shqetësimin e supedelegatëve.
Harvardi gjithashtu ka pyetur të rinjtë nëse e gjejnë veten të përshkruar nga një sërë mbiemrash përcaktues, dhe nëse mbështesin konceptet që qëndrojnë në thelb të këtyre fjalëve. Interesant është fakti se vetëm një e treta e të rinjve e identifikojnë veten si “patriotë” – që ka edhe përqindjen më të lartë të vetë-identifikimit mes gjithë mundësive. Vetëm 16 për qind identifikojnë veten si “socialistë” – dhe vetëm një e treta mbështesin këtë ide. (edhe kapitalizmi nuk është se ia dalë më mirë)
Rreth gjysma e të anketuarve nuk bien dakord me deklaratën se “politika nuk është e rëndësishme në jetën time”, por një e treta thotë gjithashtu se vota e tyre nuk është se do të bëjë ndonjë ndryshim. (pak më shumë se kaq thanë se do të bëjë ndryshim). Më shumë se gjysma thanë se zyrtarët e zgjedhur nuk kanë të njëjtat prioritete me ta. Vetëm 1 në dhjetë persona ka dhuruar për një fushatë, ka marrë pjesë në një tubim, apo ka shkruar një letër drejtuar një zyrtari të zgjedhur për të kërkuar mbrojtje për një pozicion. (një e treta ka nënshkruar peticione online)
Të rinjtë gjithashtu, tregojnë pak besim në themelet e institucioneve amerikane. Vetëm ushtria shihet si një institucion që bën gjënë e duhur gjithmonë ose pjesën më të madhe të kohës. Në fund fare të listës është media, që shihet nga 88 për qind e të anketuarve se bën gjënë e duhur me raste – ose kurrë. Katër në dhjetë persona mendojnë se media nuk e bën asnjëherë gjënë e duhur.
Përgatiti: Juli Prifti – /tesheshi.com/
