Sondazhi i një prestigjozeje: Këto janë 10 qytetet më të mira për të jetuar

Sipas një sondazhi të rregullt të revistës prestigjioze britanike Monocle, janë përzgjedhur 10 qytetet më të mira për të jetuar.

Notat kryesore për transportin publik, infrastrukturën dhe shkallën e ulët të krimit shkojnë për Vjenën, si qyteti më i mirë për të jetuar.

Këtë vit, për herë të parë, Vjena është në vendin e parë në studimin e cilësisë së jetës së Monocle. Metropoli austriak u hodh në krye të renditjes nga vendi i 7-të nga viti i kaluar. Fituesi i vitit të kaluar, Kopenhaga dhe qytete të tjera të mëdha gjermanishtfolëse, si Berlini apo Mynihu, u renditën pas Vjenës këtë vit.

Kryetari i bashkisë së Vjenës, Michael Ludwig, shprehu kënaqësinë e tij për kapjen e vendit të parë dhe e sheh çmimin si një konfirmim të punës së palodhur.

“Si kryetar bashkie, jam krenar që Vjena nuk është vetëm një nga qytetet më të sigurta në botë, por që përpjekjet tona në fushën e mbrojtjes së klimës dhe strehimit njihen ndërkombëtarisht. Ne bëjmë gjithçka që njerëzit në Vjenë të ndihen rehat. Kjo njohje është detyra jonë që të vazhdojmë të ecim në rrugën vjeneze në një mënyrë ambicioze dhe të qëndrueshme”, tha Ludwig.

Vjena fitoi vendin e parë për shkak të transportit publik në rritje të vazhdueshme dhe infrastrukturës së shkëlqyer.

Ndjenja e sigurisë për shkak të shkallës më të ulët të krimit në 20 vitet e fundit, si dhe strehimi i përballueshëm ose aktivitetet kulturore dhe të kohës së lirë janë faktorë që përfshihen gjithashtu në vlerësim.

Monocle e quan Vjenën “një qytet historik që shikon nga e ardhmja”.

Sipas cilësisë së jetës, Monocle përfshinte edhe këto qytete: Kopenhagen, Mynih, Cyrih, Stokholm, Tokio, Helsinki, Madrid, Lisbon dhe Melburn. /tesheshi.com/